sən osan məndə buyam سن اوسان منده بویام

sən osan məndə buyam

 sü deyibdir mənə əvvəldə anam ab ki   yox

 yuxu  öyrətdi oşaqlıqda mənə xab ki yox    

 ilk dəf’ə ki çörək verdi mənə nan demədi

 əzlindən mənə düzdanə ,  nəmkdan demədi

 anam əxtər demiybdir mənə , ulduz deyib o

 sü donanda demiyib yəxdi bala , büz deyib o

 qar deyib , bərf demiyib , dəst demiyib əl deyib o

 mənə heç vəqt bıa söyləməyib gəl deyib o

 yaxşı xatirlayıram yaz günü , axşam çağılar

 bağçanın gün çıxanında ki ılq gün yayılar

 gəl   deyirdi  darıyim başıvı ey nazlı balam

 gəlmə sən gər bacıvın astaca zülfün dararam

o deməzdi ki (bıa şane zənəm bər səre to)

 (gər nəyayi bezənəm şanə səre xahre  to)

 bəli ! daş yağsada göydən sən osan məndə buyam

 var sənin başqa anan , vardı mənim başqa atam

 özümə məxsus olan başqa elim vardı mənim

 elimə məxsus olan başqa dilim vardı mənim

 istə sən qardaş olaq , bir yaşıyaq , birlik edək

 verginən qol - qola bundan sonra bir yolda gedək

 əvvəla  özgə külklərlə gərk əsmiəsən

 saniyən  varlıqıma , xəlqima xor baxmıyasan

 yuxsa gər zür diyəsən millətimi xar edəsən

 gün gələr səfhə çönər , məcbür olarsan gedəsən

 məhəmməd təqi zehtabi

 

  سن اوسان منده بویام

سو دئییبدیر منه اولده آنام آب کی ،یوخ

یوخو اوئرتدی اوشاقلیقدا منه خواب کی يوخ   

ایلک دفعه کی چؤره ک وردی منـه نان دئمه دی

ازلیندن منه دوزدانه، نمکدان دئمه دی

آنام اختر دئمییبدیر منه،اولدوز دئییب اؤ

سو دوناندا دئمییب یخدی بالا،بوز دئییب او

قار دئییب،برف دئمییب،دست دئمییب ال دئییب او

مـنه هئچ وقت بیا سؤیله مه ییب گل دئییب او

یاخشی خاطیرلاییرام یاز گونو،آخشام چاغیلار

باغچانین گــــون چیغانیندا کی ایلق گون یاییلار

گه ل- دئییردی-داری ییم باشیوی ای نازلی بالام

گلمه سن گر باجیوین آستاجا زولـــفون دارارام

او دئمزدی کی،بیا شانه زنم بر سـر تو

گر نیائی بزنم شانه سر خواهر تو

بلی!داش یاغسادا گؤیدن سن اوسان منده بویام

وار سنین باشقا آنان،واردی منیم باشقا آتام

اؤزومه مخصوص اولان باشـقا ائلیم واردی منیم

ائلیمه مخصوص اولان باشقا دیلیم واردی منیم

ایسته سن قارداش اولاق،بیر یاشییاق،بیرلیک ائده ک

وئرگینن قول-قولا بوندان سورا بیر یولدا گئده ک

اولا" اؤزگه کولکلرله گرک اسمیه ســــن

ثانیا" وارلیقیما،خلقیمه خور باخمـــــییاسان

یوخسا گر زور دییه سن میلتیمی خوار ائده سن

گون گلر صفحه چؤنر،مجبور اولارسان گئده سـن

پروفسور دوکتور محمد تقی زهتابی