biz üstün gəlmişik hər sitəmgərə , بيز اوستون گلميشيك هر سيتمگره،

biz üstün gəlmişik hər sitəmgərə , 

arxada oْlmuşuq əzilənlərə , 

hətta bac vermədik biz iskndrə , 

süd verib ərşəkə ,  əşkana xəlqim . 

biz qovdüq ırandan yadı  ,  yunanı , 

qurtardıq zülmdən farsı ,  kırmanı , 

xəlqimin tarixdə var adı ,  sanı , 

deyildir qürü ,  boş əfsana xəlqim .

ərəb bu toprağa çəkəndə şəmşir , 

onun şəmşirini qırdı cavanşır , 

 babəkın norəsi hələdə yaşır , 

qalasın saxlayır alana xəlqim . 

ərəbin bu yerdən zülmünü qazan , 

əgr olmamışdır alparslan ?  ! 

qoruyub bu yerin  ,  bəli hər zaman ,

şərafətın mərd ـ mərdana xəlqim .

 

onda ki yoxıdı ırandan nışan , 

qızılbaş eylədi ıranı ıran , 

ırana baş oْldu azərbaycan , 

saldı ışlərını səhmana xəlqim

məşrutə zamanı olu sətarxan

 ıstıbdad devinə tutaraq dıvan , 

 azadlıq pərisin gətdi ərmağan , 

 toy tutdu sultana  ,  xaqana xəlqim . 

hələdə olubdur dillər əzbrı , 

quçaq mucahıdın ıgıdlıklərı , 

bizimdir onların böyük hünəri , 

öyünür salara ,  bağbana xəlqim . 

 

cəsarət kanıydı xiyabanımız , 

onunla dirildi bu ıranımız  , 

 o bizim fəxrimiz ,  hikmət kanımız , 

 sözlərin sayırı durdana xəlqim . 

 

 şex məmməd susmayan aluvlu səsdir . 

 milli varlığıma o təkcə bəsdir , 

 tarixə hay salan güٍclü cərəsdir , 

 öyünür belə ‌bir insana xəlqim . 

 

 ıl keçər  ,  bir millət bir insan doğar

 onun tədbiriylə  duşmanın buğar , 

 dahılər tuplanar  ,  xəlqə güٍn doğar , 

 ço‌x verib daahilər ırana xəlqim .  

  zehtabi

بيز اوستون گلميشيك هر سيتمگره،
آرخادا اوْلموشوق ا‌زيلنلره،
حتي باج وئرمه‌ديك بيز ايسكندره،
سود وئريب ارشكه، اشكانا خلقيم.

بيز قوودوق ايراندان يادي ، يوناني،
قورتارديق ظولمدن فارسي، كيرماني،
خلقيمين تاريخده وار آدي، ساني،
دئييلدير قورو، بوش افسانا خلقيم.

عرب بو توپراغا چكنده شمشير،
اوْنون شمشيريني قيردي جوانشير،
بابكين نعره‌سي هله‌ده ياشير،
قالاسين ساخلايير آلانا خلقيم.

عربين بو يئردن ظولمونو قازان،
مگر اولماميشدير آلپ‌ارسلان؟!
قورويوب بو يئرين ، بلي هر زامان،
شرافتين مرد ـ مردانا خلقيم.

اوندا كي يو‌خ ايدي ايراندان نيشان،
قيزيلباش ائيله‌دي ايراني ايران،
ايرانا باش اوْ‌لدو آذربايجان،
سالدي ايشلريني سهمانا خلقيم.

مشروطه زاماني اولو ستارخان
ايستيبداد دئوينه توتاراق ديوان،
آزادليق پري  سين گتدي ارمغان،
توْي توتدو سولطانا ، خاقانا خلقيم.

هله ده اوْلوبدور ديللر ازبري،
قوْچاق موجاهيدين ايگيدليكلري،
بيزيمدير اونلارين بؤيوك هونري،
اؤيونور سالارا، باغبانا خلقيم.

جسارت كانييدي خيابانيميز،
اونونلا ديريلدي بو ايرانيميز ،
او بيزيم فخريميز، حيكمت كانيميز،
سؤزلرين ساييري دوردانا خلقيم.

 

شئخ ممد سوسمايان آلوولو سسدير.
ميلي وارليغيما او تكجه بسدير،
تاريخه هاي سالان گوٍجلو جرسدير،
اؤيونور بئله ‌بير اينسانا خلقيم.

ايل كئچر ، بير ميلت بير اينسان دوغار
اوْنون تدبيريله  دوشمانين بوغار،
داهيلر توپلانار ، خلقه گوٍن دوغار،
چو‌خ وئريب دهيلر ايرانا خلقيم.

یازان:  محمد تقي زهتابي