Ağ bulağآغ بولاق

Ağ bulağ
Ağ bulağ ağla bulağ
Qoy suyun axsın gölə saari
Köç edibgetdi cavanlar
Suvaran yox mumalari
Çəkilə qəddi yuxari
Qalanın yoxdu çıxari
Qocalıblar gicəliblər
Odu day kətdə qalıblar
Ağbulağ ağla bulağ
Bəlkə ağaclar cana gəlsin
Qara çəkütgəni dindir sazı çalsın
Suyun üstündə zülük oynağa gəlsin
Gözələr qaynağa gəlsin
Bəlkə qan yanqağa gəlsin
Qara çəkütgə də müddətdi ki qəm tarı çalmır
Oda day hal xəbər almır
Ağbulağ ağla bulağ
Sütlü gənlərdə bizim tək sütə həsrət qalacaqdır
Ağ yel əsdikcə
Ağaclar quruyub gadmaların
Day quruyub yarpağınan tar çalacaqdır
Onda day kim qalacaqdır
Kim ağızlıq açacaqdır
Bağa kim su salacaqdır
Görürəm yon calar ətrafıbütün mur-o-mələxdi
Ağbulağ qaynamağın vəxti nə vəxdi
Ağbulağ ağla bulağ
Bağçada güllər saralıbdır
Bağban bəs ki su fikrində qalıbdır qocalıbdır
Xəzəl ətrafı alıbdır
Bizi pis dərdə salıbdır
Şişey e ömrümüzü daşə çalıbdır
Odu day ömr azalıbdır
Görürəm yoncaları leylək ulağlar otarıbdır
Yoncadan gül qutarıbdır
Ağbulağ ağla bulağ
Qoy xəşələr başın ucaltsın
Hərzə otlar yerə batsın
Məməl istir atı satsın
Yerinə bir ulağ alsın
Axı burda niyə qalsın
Nə ümidiylə dayansın
Özünü kol – kosa salsın
Nə məməriylə dolansın
Niyə qalsın
Kətxudanı görüsən kətdə özün bağladı getdi
Kənlinin var-yoxun aldı sibilin yağladı getdi
Ağbulağ ağla bulağ
Qəm yenə ovzanı qatıbdır
Məşə SULTAN da bizim bağçaya bir cəmdək atıbdır
Dişləri qanə batıbdır
ələ fürsətdi çatıbdər
hələ qurtlarda iyyindən biləcəkdir
qanın onlar tökəcəkdir
Ağbulağ ağla bulağ
Sən əyər qaynayasan bizdə sazallıx
Yığışıb yeksərə ətrafını allıx
Quruyan dəştə su sallıx
Sən əyər qaynamasan
Bizdə sozallıx
Bizdə day onda gicallıx
Su xəyaliylə qocallıx
Ağ bulağ bəs bu nə haalətdi qalıbsan
Ağ bulağ bəs bu nə vəhşətdi salıbsan
Ağbulağ ağla bulağ
Səndə gözəl xatirələr var
Səndə bir xan balasından surağım var
Səndə bir qussəli qəmli qonağım var
Səndə bir çal papağım var
Səndə sınmaz dayağım var
Səndə bir CƏƏFƏƏRİ tək şeeridə şaiir sayağım var
Ona hörmət edənin göylü şad olsun
Oda ğurbətdədi ondanda yad olsun
Ağbulağ ağla bulağ
Şaiir: ustad HUÇƏNG CƏƏFƏRI
آغ بولاق
آغ بولاق ، اغلا بولاق
قوی سویون آخسین گؤله ساری
کؤچ ائدیب گئتدی جاوانلار
سوواران یوخ مومالاری
چکیله قددی یوخاری
قالانین یوخدو چیخاری
قوجالیبلار گیجالیبلار
اودو دای کتده قالیبلار
آغ بولاق آغلا بولاق
بلکه آغاجلار جانا گلسین
قارا چککیرته نی دیندیر ، سازی چالسین
سویون اوستونده زؤلوک اویناغا گلسین
گؤزلر قایناغا گلسین
بلکه قان یانقاغا گلسین
قارا چککیرته ده مدت دی کی دای غم تاری چالمیر
اودا دای حال خبر آلمیر
آغ بولاق آغلا بولاق
سوتلوگنلرده بیزیم تک سوته حسرت قالاجاقدیر
آغ یئل اسدیکجه
آغاجلار سارالیب – گادمالارین
دای قورویوب یارپاقیلان تار چالاجاقدیر
اوندا دای کیم قالاجاقدیر ؟
کیم آغیزلیق آچاجاقدیر
باغا کیم سو سالاجاقدیر
گؤرورم یونجالار اطرافی بوتون مور و ملخدی
آغ بولاق قایناماغین وختی نه وخدی ؟
آغ بولاق آغلا بولاق
باغچادا گوللر سارالیبدیر
باغبان بسکی سو فیکرینده قالیبدیر قوجالیبدیر
خزل اطرافی آلیبدیر
بیزی پیس درده سالیبدیر
شیشه ی عومروموزی داشه چالیبدیر
اودو دای عمر آزالیبدیر
گؤرورم یونجالاری لی لک اولاغ لار اوتاریب دیر
یونجادان گول قوتاریبدیر
آغ بولاق آغلا بولاق
قوی خشه لر باشین اوجالتسین
هرزه اوتلار یئره باتسین
ممل ایستیر آتی ساتسین
یئرینه بیر اولاغ آلسین
آخی بوردا نییه قالسین ؟
نه اومیدیله دایانسین
اؤزونو کول – کوسا سالسین
نه ممریله دولانسین ؟
نییه قالسین ؟
کدخدانی گؤروسن کتده اؤزون باغلادی گئتدی
کندلی نین وار – یوخون آلدی سیبیلین یاغلادی گئتدی
آغ بولاق ، آغلا بولاق
غم یئنه اوضانی قاتیب دیر
مشه سولطان دا بیزیم باغچایا بیر جمدک آتیب دیر
گوشه ده آج قالان ایت لر بوتون اطراف دا یاتیب دیر
دیشلری قانه باتیب دیر
اله فرصت دی چاتیب دیر
هله قوردلار دا ایین دن بیله جکدیر
قانین اونلار تؤکه جک دیر
آغ بولاق آغلا بولاق
سن اگر قاینایاسان بیزده سازاللیق
ییغیشیب یکسره اطرافینی آللیق
قورویان دشته سو ساللیق
سن اگر قایناماسان
بیزده سوزاللیق
بیزده دای اوندا گیجاللیق
سو خیالیله قوجاللیق
آغ بولاق بس بو نه حالتدی قالیب سان ؟
آغ بولاق بس بو نه وحشتدی سالیب سان ؟
آغ بولاق ، آغلا بولاق
سنده گؤزل خاطیره لر وار
سنده بیر خان بالاسیندان سوراغیم وار
سنده بیر غصه لی غملی قوناغیم وار
سنده بیر چال پاپاغیم وار
سنده سینماز دایاغیم وار
سنده بیر « جعفری » تک شعریده شاعیر سایاغیم وار
اونا حرمت ائدنین گؤگلو شاد اولسون
اودا غربت ده دی اوندان دا یاد اولسون
آغ بولاق ، آغلا بولاق
شاعیر : اوستاد هوشنگ جعفری