Bizim Türkü şirin dildir بيزيم توركو شيرين ديل دير

Bizim Türkü şirin dildir
Ana güldür, bir gün solar Ana dili şirin olar
Bizim Türkü şirin dildir Xoş sədalı, zəngin dildir
Dil günəşdir, ışıq saçar Azadlığa qapı açar
Yadın dili boyunduruq Bir geçiddir buruq buruq
Boyunduruq xalqı boğar Geçidlərdə quldur soyar
Qoy yadlaşsın senatorlar Xalqı soyan tacir tüccar
Yaltaq şair yolun azsın
! Təkcə Farsı qəzəl yazsın

Aəbib sahir

بيزيم توركو شيرين ديل دير

آنا گولدور٬ بير گون سولار

آنا ديلى شيرين اولار

بيزيم توركو شيرين ديلدير

خوش صدالى٬ زنگين ديلدير

ديل گونشدير٬ ايشيق ساچار

آزادليغا قاپى آچار

يادين ديلى بويوندوروق
بير گئچيددير بوروق بوروق

بويوندوروق خالقى بوغار

گئچيدلرده قولدور سويار

قوى يادلاشسين سئناتورلار

خالقى سويان تاجير٬ توججار

يالتاق شاعير يولون آزسين

تكجه فارسى غزل يازسين!

حبيب ساحير