Daha nağıllara ...داها ناغيللارا

Daha nağıllara inanmıram men
Çapıb öz atını Ağ atlı getdi,
Atları şimşekden qanadlı getdi,
Uşaq yaddaşımı qanatdı getdi,

Daha nağıllara inanmıram men.
Nenemin inamı, derdi nağıllar
Namerde aldatdı merdi nağıllar,
Bizi yuxulara verdi nağıllar,

Daha nağıllara inanmıram men
Uşaq ovutmağa bir noğul idi,
Sözlerde yaşayan bir ağıl idi,
Yaxşı adamlar da bir nağıl idi,

Daha nağıllara inanmıram men
“Sim Sim” i sözle yox zorla açdılar,
Tilsimi min cüre yolla açdılar,
Him – cimi möhürlü qolla açdılar,

Daha nağıllara inanmıram men
Fatmalar ayağı kendirde qalmır,
Xemrimiz küt gedir, tendirde qalmır,
Qarğalar tülküye daha aldanmır,

Daha nağıllara inanmıram men
Acı heqiqetler bal dadır indi,
Arısı olmayan bal satır indi,
Keçeli saçlılar aldadır indi,

Daha nağıllara inanmıram men
Ele yuxularda atlar kişnedi,
Divleri qazana saldım, bişmedi.
Gözledim, göylerden alma düşmedi.
Daha nağıllara inanmıram men!...

Nusret Kesemenli

داها ناغيللارا اينانميرام من

چاپيب اوز آتيني آغ آتلي گئتدي
آتلاري شيمشکدن قاناتلي گئتدي
اوشاق يادداشيمي قاناتدي گئتدي
داها ناغيللارا اينانميرام من

ننه مين اينامي، دردي ناغيللار
نامرده آلداتدي مردي ناغيللار
بيزي يوخولارا وئردي ناغيللار
داها ناغيللارا اينانميرام من

اوشاق اووتماغا بير نوغول ايدي
سوزلرده ياشايان بير آغيل ايدي
ياخشي آداملاردا بير ناغيل ايدي
داها ناغيللارا اينانميرام من

((سيم- سيم))ي سوزله يوخ، زورلا آچديلار
تيلسيمي مين جوره يوللا آچديلار
هيم- جيمي موهورلو قوللا آچديلا
داها ناغيللارا اينانميرام من

فاطمالار آياغي کنديرده قالمير
خميريميز کوت گئدير، تنديرده قالمير
قارغالار تولکويه داها آلدانمير
داها ناغيللارا اينانميرام من

آجي حقيقت لر بال دادير ايندي
آري سي اولمايان بال ساتير ايندي
کئچلي ساچلي لار آلدادير ايندي
داها ناغيللارا اينانميرام من


ائله يوخولاردا آتلار کيشنه دي
دئولري قازانا سالديم، پيشمه دي
گوزله ديم، گويلردن آلما دوشمه دي
داها ناغيللارا اينانميرام من

یازان:  نصرت کسمنلی