Niyə gəldin...نییه گلدین

Niyə gəldin...

Niyə gəldin, axı,
Səni mən çağırmamışdım.
Özün gəlmişdin,
qara bir sevda kimi,
Ürəyimin əkin yerinə
quş dimdiyindən düşən buğda kimi
Cücərməyəydin gərək,
həsrətinlə baş – başa qalacaqdımsa,
Gözləyə - gözləyə heykəl kimi donacaqdımsa,
heç gəlməyəydin gərək...
Duru gölə daş atıb
bulandırma demişdim.
Yaşım da o yaş deyil,
dolandırma demişdim.
Ümidimi qatiltək
öldürməyəydin gərək,
Şamın son şöləsini
söndürməyəydin gərək,
Niyə gəldin sən, axı,
Heç gəlməyəydin gərək...

Bir quş yuvası kimi
ürəyim boş qalıbdı.
Sənə kim bağışlayar
bu çəkilməz günahı?!
Niyə gəldin sən, axı...

N. Kəsəmənli

نیه گلدین...

نیه گلدین، آخی،

سنی من چاغیرمامیشدیم.

اؤزون گلمیشدین،

قارا بیر سئودا کیمی،

اورییمین اکین یئرینه

قوش دیمدیگین‌دن دوشن بوغدا کیمی

جوجرمییدین گرک،

حسرتینله باش – باشا قالاجاقدیمسا،

گؤزله‌یه - گؤزله‌یه هیکل کیمی دوناجاقدیمسا،

هئچ گلمییدین گرک...

دورو گؤله داش آتیب

بولاندیرما دئمیشدیم.

یاشیم دا او یاش دئییل،

دولاندیرما دئمیشدیم.

اومیدیمی قاتیلتک

اؤلدورمییدین گرک،

شامین سون شؤله‌سینی

سؤندورمییدین گرک،

نیه گلدین سن، آخی،

هئچ گلمییدین گرک...

بیر قوش یوواسی کیمی

اورییم بوش قالیبدی.

سنه کیم باغیشلایار

بو چکیلمز گوناهی؟!

نیه گلدین سن، آخی...

ن. کسمن‌لی