Yalanیالان

Yalan

Ömürden bir günü oğurlamışıq,
Qaçıb bölüşürük bu xelvet yerde.
Payızda ayrılan köçeri quşuq,
Kim bilir, beke de görüşdük bir de...

Boşalır üreyin, dolur gözlerin,
Gecikmiş zamanı lenetleyirsen.
Dolaşıb dilinde qalır sözlerin,
Özün de bilmirsen ne isteyirsen.

Örtür gözlerini yuxu xumarı,
Yuxun saçın kimi qarışıq düşer.
Fikirli keçersen bu gün yolları,
Ünvanın adımla dolaşıq düşer...

Deli tek daş atdıq bu sakit göle,
O daşı geriye qaytarmaq olmur.
Bizim yalanımız yeriyir hele,
Ele yeriyir ki, izi de qalmır.

Aça da bilmirik sirri heç kime,
Ele, gizli-gizli alışırıq biz.
Belke de bir doğru sevgi eşqine,
Min yalan uydurub danışırıq biz...

Nüsret KESEMENLİ.

یالان

عومرومدن بیر آنی اوغورلامیشیق

قاچیب بؤلوشوروک بو خلوت یئرده

پاییزدان آیریلان کوچه ری قوشوق

کیم بیلر بلکه ده گؤروشدوک بیرده

بؤشالیر اوره یین دولور گؤزلرین

کئچیتمیش زامانی لعنت له ییرسن

دولاشیب دیلینده قالیر سؤزلرین

اؤزونده بیلمیرسن نه ایسته ییرسن

اؤرتور گؤزلرینی یوخو خوماری

یوخون ساچین کیمی قاریشیق دوشور

فیکیرلی کئچیرسن ، بوگون یوللاری

عنوانین ، آدیملا ، دولاشیق دوشور

ده لی تک داش آتدیق بو ساکیت گوله

او داشی گئریه ، قایتارماق اولمور

بیزیم یالانیمیز ، یئرییر هله

ائله یئرییر کی ، ایزی ده قالمیر

آچادا بیلمیریک سیرری هئچ کیمه

ائله گیزلی گیزلی ، آلیشیریق بیز

بلکه ده بیر دوغرو سئوگی عشقینه

مین یالان اویدوروب دانیشیریق بیز

شاعیر : نصرت کسمنلی